KORONADAL CITY- Ginapahalong sa gihapon sang pila ka mga kritiko ang mga lider sang US kag South Korea sa pakig ayuhay sa ginbansagan nga hermit country nga North Korea.
Nahibaluan nga nangin maragtason kag kontrobersiyal ang pagkitaay nanday US Pres. Donald Trump kag North Korean leader Kim Jung Un sa Korean Demilitarized Zone bilang kabahin sang pagpapakita sang goodwill sang US sa North Korea.
Sa ekslusibo nga interbyu sang Bombo Radyo Koronadal kay Girlie Simpao Yoon, isang OFW sa Seoul nga nakapamana sa South Korea, apisar madamo suno pa sang nalipay sa pagtulay ni South Korean Pres. Moon Jae-in kay Trump sa North Korea, mas madamo ang nagakabalaka sa pagadangatan sang pakig abyan sang duha ka lider kay Kim.
Posible suno pa nga mausar sang North Korea ang pakig abyan sa US kag South Korea agud amat-amat nga masakop kag maagaw ang South.
Dugang pa ni Yoon nga gahaman suno pa nga lider sa gihapon ang paglantaw sang kadamuan sa mga South Korean sa North Korean leader.
Nagpaandam man ang pila ka mga kritiko ni South Korean Pres. Moon nga posible nga mausar ang pakig-alyansa sini sa North Korea agud makakas ini sa pwesto.
