KORONADAL CITY– Amat-amat na nga nagbalik sa ila puluy-an ang masobra 1000 ka indibidwal nga nagbakwit halin sa ila mga puluy-an bangud sa tuman nga pagbaha sa Brgy. New Iloilo, Tantangan, South Cotabato.
Nahibaluan nga nagpanguna sa rescue operations ang Local Disaster Risk Reduction and Management Council sang Tantangan makaligad naglab-ot sa tubtob hawak ang tubig baha kag nagsulod sa mga puluy-an.
Suno naman kay Brgy. New Iloilo Tantangan Kapitan Benhur Peñol, ang tubig baha ay naghalin sa Roxas Mountain Range kun sa diin apektado man ang Libas kag Brgy. Tinongcop.
Nahibaluan nga temporaryo kagab-i nga nagtinir ang mga nagbalakwit nga residente sa Barangay Gymnasium nga nagikan sa mga Prk. Paglaum, Bagong Silang, Kaunlaran , Mabuhay kag Paghidait.
