KORONADAL CITY– Nagabulig naman sa karon sa pag-awhag sa iban nga mga biktima sang Kabus Padatoon investment scam ang mga una nga nagsang-at sang reklamo sa National Bureau of Investigation o NBI batuk kay KAPA founder Joel Apolinario kag iban pa nga mga kaupdanan sini sa iligal nga aktibidad.
Sa ekslusibo nga interbyu sang Bombo Radyo Koronadal kay alyas Ruben nga nagpadulong sa waragwagan sang Bombo Radyo Koronadal kaupod ang iloy na nag invest man sang dako nga balor sang kwarta sa KAPA nga mas nangin maathag na para sa ila nga mga biktima ang pagpanonto ni KAPA founder Joel Apolinario.
Ila man narealisar nga kwarta lang nila nga mga biktima ang ginarolling sang KAPA kag wala sang kamatuoran nga may dalagkuan ini nga negosyo nga sarang maka sustain sang 30% nga return of investment.
Bangud sini, ginpahayag ni Ruben nga sila naman mismo ang maga awhag sa iban pa nga mga biktima nga magsang-at man sang reklamo ang mga kasubong man nga mga biktima sang KAPA investment scam agud makaangkon pa sang paglaum nga mabalik ang mga ginpangabudlayan nga kwarta.
