KORONADAL CITY – Nagapreparar na ang nilibo ka mga Muslim sa bug-os nga Mindanao para sa engrande nga selebrasyon sang Eid’l Fitr buwas.
Ini ang ginpahayag ni South Cotabato Muslim Affairs Chief Sultan Mutalib Sambuto sa interbyu sang Bombo Radyo Koronadal.
Suno kay Sambuto, gin-anunsyar sang National Commission on Muslim Filipinos o NCMF nga pormal nga nga igaselebrar ang opisyal nga pagtakop sang Holy Month of Ramadan.
Ginpahayag pa ni Sambuto nga ang moonsighting committee sa pagpanguna sang Bangsamoro Darul Ifta, amo ang naghatag sang signal sa selebrasyon.
Ang Eid’l Fitr ang espesyal nga adlaw nga tanda sang pagtakop sang Ramadan nga panahon sang pagpamalandong, pagpuasa kag pagpangamuyo sang mga Muslim.
Ginaselebrar ang Eid’l Fitr sa sulod sang tatlo ka adlaw.
Kaangot sini, gin-awhag ni Sambuto ang tanan nga mga Muslim sa Mindanao nga magpartisipar sa mga pagtililipon kag pangamuyo sa mga mosque kag open spaces ang mga Muslim Filipinos buwas.
