KORONADAL CITY– Nagsinapol para sa nagahilapit nga midterm election ang mga katapu sang comelec sa banwa Lake Sebu, South Cotabato kaupod ang 27th Infantry Battalion Philippine Army kag Lake Sebu PNP.
Sa interbyu sang Bombo Radyo Koronadal kay Lake Sebu South Cotabato Election Officer Nancy Tano, ginpahayag sini nga all set na ang eleksiyon sa Lunes kun diin nag-abot na ang mga election paraphernalia kag ginalauman nga magapatigayon na sang final testing kag final sealing.
Kaangot sini, mangin bantay sarado man ang pila ka New People’s Army o NPA infested areas sa nasambit nga banwa ilabi na sa Brgy. Ned nga ginasiling nga may presensya sang NPA tribal militia.
Kinahanglan man suno pa makaangkon sang madamo nga presensiya sang mga otoridad sa lugar ilabi na nga may naga ginamo pa nga political clan sa boundary sang Brgy. Ned Lake Sebu, South Cotabato ka Brgy. Molon, Palimbang, Sultan Kudarat nga dako nga pamahog sa palaabuton nga eleksyon.
