KORONADAL CITY – Nagapadayon sa karon ang imbestigasyon sang Philippine National Police sa nagalapta nga video sang mga katapo sang Koronadal City PNP nga nagasugal kag naga inom.
Suno kay Police Colonel Joel Limson, Police Provincial Director sang South Cotabato PNP, nagsumiter na sang eksplinasyon ang 9 ka mga non-commissioned officers sang Koronadal City PNP sa ila nga talatapan.
Nahibaluan nga sa inisyal nga imbestigasyon, ang nasambit nga video ang kuha suno pa sa tunga pa sang holiday celebration sang Koronadal City PNP sang Enero kun sa diin ang nasambit nga pagsugal kag pag-inom ang wala ginpatigayon sa sulod sang police station kag sa baylo nagluntad suno pa sa daan nga city hall building.
Posible nga may malicious intent suno pa ang pagapalapta sang video nga ginasiling nga gina-angot sa mga anay miyembro sang Koronadal City PNP nga ginrelieve sadto sa serbisyo bangud sa involvement suno pa sa iligal nga droga.
Nagagwa man sa inisyal nga imbestigasyon nga may isa ka sibilyan nga ginsugo nga mag video kag subong lamang ginpalapta agud makabalos.
Madumduman nga sang nakaligad nga adlaw makaligad maglapta ang video gilayon nga ginmando ang pagrelieve sa pwesto kay Police Lieutenant Colonel Benjiel Kirby Bajo ang hepe sang Koronadal City PNP samtang ginapatigayon ang imbestigasyon.
Kaangot sini, ginapasiguro naman sang South Cotabato PNP ang patas nga imbestigasyon sa nasambit nga panghitabo.
