KORONADAL CITY – Ginpaidalom na sa State of Calamity ang 7 barangay sa banwa sang Norala South Cotabato makaligad nga tuman ka naapektuhan sang malapnagon nga pagbaha.
Ini man ang ginkumpermar ni Municipal Disaster Risk Reduction and Management Officer Aiza Lim sa interview sang Bombo Radyo Koronadal.
Suno kay Lim,tuman ka naapektuhan sang baha ang sektor sang agrikultura kag palangabuhian sang mga mangunguma sa nasambit nga barangay.
Sa subong ,nagapatigayon na sang inisyal nga pagsinapol ang mga opisyal sang mga barangay kaupod na ang Lokal ng gobyerno sang Norala para mahibaluan ang kabug-usan nga damyos sang baha sa ila nga banwa umpisa pa sang nagligad nga semana.
Ginaplanuhan man sa subong sang Lokal nga gobyerno sang Norala ang pagpaidalom sang “State of Calamity” sang ila nga banwa.
Madumduman nga isa ang banwa sang Norala sa mga banwa sa South Cotabato kag sang probinsya sang Sultan Kudarat nga ginhanot sang mabaskog nga ulan nga dala ni bagyong Dante kun sa diin nag bilin sang dako nga damyos sa agrikultura sa mga banwa kag nag utas man sang kabuhi sang mag-amay nga Moreno.
