KORONADAL CITY-Temporaryo nga igapaidalom sa 7 ka adlaw nga lockdown ang City Hall sang syudad sang Tacurong kag lakip na ang City Health Unit para tagaan sa ligwa ang disinfection sa bilog nga edifisyo kag maga serbi nga circuit breaker sang pagkalaton makaligad nga magpositibo sa Covid-19 ang 5 ka mga empleyado diri.
Sa ekslusibo nga pakighinun-anon sang Bombo Radyo Koronadal kay Dr.Giovanni Deles ,Tacurong City Health Officer , ginpahayag sini nga magapatigayon man sang contact tracing ang lokal nga gibyerno sang Tacurong sa mga direct contact sa mga naga positibo sa balatian.
Ini ang kadungan man sang pagtaliwan ni Mayor Angelo “Roncal” Montilla bangud sa Covid-19 kun sa diin napositibo mana ang 5 ka mga empleyado sang pila ka mga departamento sa sulod sang City Hall.
Dugang pa sini , maga butang na lamang ang pila ka mga lamesa ang mga tinawo sang City Hall para ipadayon ang pagbaton kag pagtanyag sang mga serbisyo nga ginapatigayon sa sulod sang City Hall.
Samtang, tuman naman sini nga ginkakibot ang pagkapagkit sang 33 ka mga panibag-o nga kaso sang Covid-19 nga napagkit sang syudad sang Tacurong kahapon base man sa updated nga impormasyon nga ila gina-uyatan.
