KORONADAL CITY- Ginpasakaan na sang kaso nga paglapas sa RA 9165 o Comprehensive Dangerous Drugs Act of 2002 kag bayolasyon sa RA 10591 o Comprehensive law on firearms and ammunition ang pito katao nga natikma sang gin-isa nga pwersa sang PDEA 12, PDEA ARMM, 1st Mechanized Infantry LAKAN battalion kag Sultan Kudarat PNP sa Prk. Rang-ay Brgy. Poblacion banwa sang Lambayong Sultan Kudarat.
Nahibaluan nga target sang operasyon ang isa ka Albijie Biang 27 anyos nga isa ka High Value Target kun sa diin nadakpan man ang asawa sini nga si Lady Biang 24 anyos, isa ka Rongto Kambali Kumfas 35 anyos, Saudin Sangkilamat Makadla, 28 anyos HVT, Edmar Cantillo Balido 35 anyos, HVT Jerry Abellera Martinez 30 anyos isa ka HVT, Alfred Bansawan Lindungan 19 anyos.
Narekober man sa posisyon nila ang 5 ka pakete sang mga ginapatihan nga shabu nga may kabug-aton nga nagkalain-lain nga sahi sang armas kag drug paraphernalia.
Ang nasambit nga mga indibidwal ang nagtukod sang grupo agud magsuplay sang iligal nga droga sa Lambayong Sultan Kudarat kag iban pa nga mga kalapit nga mga lugar.
