ISULAN, SULTAN KUDARAT – Gin-ako mismo sang 40-anyos nga suspek ang paglugos-patay sa biktima nga 6-anyos nga bata nga babaye nga nasapwan na lamang sa kilid sang suba sa bahin sang Brgy. Kolambog, Isulan, Sultan Kudarat sang tinalikdan nga semana.
Ini ang ginpahayag ni Police Lt. Col. Romeo Galgo Jr., hepe sang Isulan PNP sa interbyu sang Bombo Radyo Koronadal.
Ginkilala ang suspek nga si Jay Albestor, residente man sang nasambit nga lugar kag family friend sang pamilya sang biktima.
Suno kay Galdo, gin-ako sang suspek ang ginhimo nga krimen kag ginpahayag nga nahimo lamang sini bangud sa kahulugbon.
Sa judicial confession sang suspect, ginsaysay sini nga iya ginhagad ag bata nga magbakal sang candy rason nga nag-upod sa iya.
Ginkarga niya suno pa ang bata kag gindala sa kilid sang suba kag didto na ginhimo ang paglugos sa biktima tubtob nga ginpatay ini.
Kaangot sini, pormal naman nga ginpasaka ang kaso nga rape with homicide kay Albestor.
Madumduman nga sang Sabado sang gab-i nadakpan ang suspek matapos nga nagpanago sa nabukid nga bahin sang isa ka barangay sa banwa sang Banga.
Nahibaluan nga may duha man kabilog nga bata ang suspek samtang patay na ang asawa sini.
Makabig naman suno pa nga case close na ang kaso apang nagpahanumdom ang kapulisan sa mga ginikanan nga indi pagpabay-an sa baylo giyahan kag ubayan ang mga kabataan.
Makabig naman suno pa nga case close na ang kaso apang nagpahanumdom ang kapulisan sa mga ginikanan nga indi pagpabay-an sa baylo giyahan kag ubayan ang mga kabataan.
