Nagapaalinton ang Koronadal City Traffic Section sa mga naga usar sang tranportasyon nga likawan ang mag overtake pag abot sa dalanon agud malikawan ang disgrasya.
Ini matapos ang nagluntad nga insidente sa diin tatlo ka mga salakyan ang imbolbado sa kalabaon sang Balmores St., syudad sang Koronadal.
Ginkilala ang biktima kay si Cheyssel Vega – 36-anyos, kag residente sang Purok Callejo, Brgy. GPS sa amo nga syudad.
Ini ang nangin pahayag ni PSMSgt. Leo Dimaculangan – City Traffic Investigator sa interview sang Bombo Radyo Koronadal.
Sandig sa imbestigasyon, ginasubay ni Vega kag isa pa ka imbolbado nga salakyan ang Morales Avenue nga sanday Warlito P. Solis, 49-anyos, nga sakay sang iya Yamaha STX 125 sidecar, kag Meliton G. Zerrudo, 57-anyos, nga nagamaneho sang Toyota Fortuner sang nabangga sang Fortuner ang likod nga bahin sang Yamaha ni Solis.
Gilayon naman nga gindangat sa balay-bululngan si Vega, apang gin-deklara ini nga Dead on Arrival.
Bangud sini, sa liwat naman nga nagapaalinton ang mga otoridad nga maghalong kag magsunod sa batas trapiko agud malikawan ang kasubong nga insidente.
Sa karon, yara na sa kustodiya sang mga otoridad si Zerrudo angot sa posible nga kaso nga Reckless Imprudence Resulting in Homicide kag Damage to Property.
