3 pulis nga nagpositibo sa droga sa Region 12, taltalon sa serbisyo – PNP

KORONADAL CITY- Gilayon nga ginmandu ni Philippine National Police (PNP) chief Director General Oscar Albayalde nga taltalon sa serbisyo ang tatlo ka mga pulis sa rehiyon-12 nga nagpositibo sa ilegal nga droga.

Ini kadungan sang pagbisita sa Mindanao sang PNP chief.

Suno kay Albayalde wala na sang rason agud nga padugayon pa sa serbisyo ang nasambit nga mga pulis nga nagpositibo sa ilegal nga droga.

Wala suno pa siya sa palampason sa mga pasaway nga pulis nga nagahigko sa imahe sang PNP labi na nga nagpositibo sa illegal drugs.

Gin-insister pa sini nga ini ang kabahin sang ginahimo nga internal cleansing kag internal discipline sa PNP.

Nahibaluan nga ginsapol ni Albayalde ang tanan nga provincial commander sa rehiyon angot sini.