KORONADAL CITY- Nakapreso na sa karun ang 3 ka mga ginapatihan nga mga miyembro sang Moro Islamic Liberation Front o MILF makaligad nga marestar sa ginpatigayon nga search warrant implementation sa Brgy. Lamlahak, Lake Sebu, South Cotabato.
Sa ekslusibo nga interbyu sang Bombo Radyo Koronadal kay PSupt. Aldrin Gonzales tagpamaba sang PNP Regional Office 12, ginkasa ang operasyon sang gintingob nga pwersa sang PNP 12, PDEA 12 at South Cotabato PNP kun sa diin naarestar sanday Abdulrasid Fikan Dalican, 32 anyos, isa ka imam, naarestar man si Diome Pendatun Maguan, yara sa legal nga edad , Ebrahim Fikan Dalican, 30 anyos, isa ka imam nga lunsay mga residente sang nasambit nga barangay samtang nakapalagyo naman ang 3 ka iban pa nga may mga kaso nga paglapas sa RA 9165 o kaso angot sa iligal nga droga kag RA 10591 ukon kaso angot sa iligal nga mga armas kag mga eksplosibo.
Narekober man sa mga suspek ang duha ka 12 guage shotgun, 1 garand rifle, 1 home made RPG rifle profile grenade, 1 M79 launcher, cal. 45 nga pistolya , mga bala kag iban pa apang nagnegatibo naman sa iligal nga droga.
Suno kay PSupt. Gonzales, mga aktibo nga mga miyembro suno sang MILF ang mga naarestar base sa mga dokumento nga nakuha sa ila posisyon.
Sa karun yara na ang mga ini sa kustodiya sang Lake Sebu MPS.
