KORONADAL CITY – Padayon ang ginapatigayon nga assessment sang Municipal Disaster Risk Reduction and Management Office sa banwa sang Tboli angot sa nagluntad nga landslide sa Brgy. Basag sa nasambit nga banwa.
Bangud sini ginsaylo ang mga apektado nga residente sang Sitio Kibuling sa plaza bilang ila temporaryo nga rehabilitation center.
Ginpahayag sa Bombo Radyo Koronadal ni Tboli MDRRM officer Markim Tancala, yara sa 22 ka mga puluy-an sang mga residente ang apektado sa nasambit nga insidente.
Padayon pa nga ginahibalo ang kabug-usan nga numero sang mga indibidwal nga naapektuhan sini bangud sa ginpatigayon nga validation.
Nahibaluan nga natiphag ang duta sang pila ka adlaw na bangud sa naeksperiensiyahan nga pagbubo sang ulan sa probinsiya.
