KORONADAL CITY– Ginbawian na sang kabuhi ang 2 ka mga menor de edad nga biktima sang pagpanghostage sang bana sang ila kabulig sa Zone 6 Brgy. Libertad sa banwa sang Surallah, South Cotabato.
Sa interbyu sang Bombo Radyo Koronadal kay PO3 Oscar Albayasen sang Surallah PNP, ginkilala ang suspek sa nagluntad nga pagpanghostage nga si George Judilla yara sa legal nga edad samtang ang mga biktima ang ginkilala nga sanday alyas Pearl 4 anyos kag Angel 10 bulan
Sa inisyal nga imbestogasyon nakaangkon suno pa sang away ang suspek kag ang asawa sini nga yaya sang mga bata kun sa diin ang mga menor de edad ang ginpa-ukpan sini sang kaakig kag ginbuno usar ang kutsilyo.
Samtang sa interbyu naman sang Bombo Radyo Koronadal kay Jhoriel John Alvarez, isa sa mga nakasaksi sa krimen nag-agi lang sila sa puluy-an sang mga biktima sang makit-an nila nga puno sang dugo ang suspek kag ginalukit sini ang iya nga dughan kag ginhangkat pa ang nagresponder nga pulis nga tanuman sang bala ang iya nga ulo.
Gilayon nga gindangat sa balay bululngan ang 2 ka mga menor de edad mangin ang suspek apang wala na nasarangan pa sang mga biktima ang mga pilas nga naangkon rason nga ginbawian ang mga ini sang kabuhi samtang ang suspek ang yara sa kritikal nga kondisyon.
Nahibaluan nga pastor ang amay samtang manunudlo naman ang iloy sang mga biktima.
