KORONADAL CITY – Nakilala na ang mga napatay nga mga carnapper nga nagbato sa mga otoridad sa nagluntad nga engkwentro sa Brgy. Kenram, Isulan Sultan Kudarat.
Ginkilala ni Police Superintendent Joefel Siason hepe sang Isulan PNP ang mga suspek nga sanday Toten Atoy, 37-anyos, Usop Upam, 35-anyos nga lunsay mga residente sang Brgy. Libutan, Mamasapano, Maguindanao.
Ginkuha ang bangkay sang mga sang tiyo sang isa sa mga suspek nga Abdulatif Ali nga gilayon ginlubong sunao sa islam tradition.
Madumduman nga ginreklamo suno pa sang biktima nga si Florencio Vivencio Jr. ang 2 ka wala pa makilal-an nga mga suspek makaligad gintayaan ini sang armas luthang kag may plano nga kuhaon ang ginamaneho sini nga motorsiklo.
Gilayon naman nga nag responde ang kapulisan kun sa diin naglagsanay pa ang mga suspek nga armado sang pampasigabong kag mga armas.
Nakaangkon pa sang baslanay sang lupok ang mga suspek kun sa diin nagbalos man ang kapulisa kag tigayon nga napatay ang 2 ka suspek.
Madumduman nga ginakaalarma na sa probinsya sang Sultan Kudarat ang asud-asod nga insidente sang pagpangarnap sang mga salakyan.
