Ginaresto sang mga tinawo sang Bureau of Immigration ang duha ka dumuluong sa isa ka manhunt operation Tuba, Benguet nga ginapatihan may koneksyon sa Philippine Offshore Gaming Operator sa Bamban, Tarlac.
Ginkilala sang ahensya ang mga suspek nga sanday Wang Keping, 35, babaye, kag Khuon Moeurn, 37, lalaki, nga Cambodian.
Suno kay BI Intelligence Division chief Fortunato Manahan Jr., ginhimo ang operasyon base sa impormasyon halin sa Presidential Anti-Organized Crime Commission (PAOCC) angot sa relasyon sang Chinese nga babaye sa POGO.
Nagpaguwa sang mission order si BI Commissioner Norman Tansingco batuk sa Chinese nga babaye matapos ini magreport nga nagapanago sa Tuba.
Ginpahayag pa ni Manahan nga pag-abot nila sa lugar, nadiskubrehan nila ang duha ka dumiuluong pero ang ila target nga Chinese wala nila nakita.
Diri nahibaluan sang BI ang pagkilala sang duha ka dumuluong kay Moeurn, nga isa ka undocumented kag overstaying alien matapos nga wala makapakita sang mga kinahanglanon nga dokumento.
Nagpakita lang si Moeurn sang litrato sang iya Cambodian passport nga valid tubtobAgosto 2020 lang.
Dugang pa ni Manahan nga may working visa si Wang pero nagaatubang gihapon ini sang mga kaso tungod sa pagtagò kay Moeurn.
