Nagpaandam ang Philippine Atmospheric Geophysical and Astronomical Services Administration (PAGASA) nga 14 ka mga lugar sa pungsod ang maka-eksperyesya sang danger-level heat index (42°C–51°C), nga mahimo magtuga sang heat cramps, exhaustion, kag heat stroke.
Suno sa forecast, magalab-ot sa 39°C ang heat index sa Metro Manila, samtang mahimo makaeksperyensya sang pinakamataas ang Dumangas, Iloilo kag Butuan City (45°C).
Nalakip man sa mga apektado nga lugar ang:
San Ildefonso, Bulacan – 43°C
Sangley Point, Cavite – 42°C
Aborlan, Palawan – 44°C
Iloilo City – 43°C
La Carlota, Negros Occidental – 44°C
Borongan, Eastern Samar – 44°C
Cotabato City – 43°C
Samtang, madamo pa nga mga lugar ang yara sa 40°C–41°C range, lakip ang Puerto Princesa, Tacloban, Zamboanga, kag Davao.
Nagpaalinton man ang Department of Health Philippines (DOH) nga likawan ang outdoor activities halin 9 sang aga tubtob 4 sang hapon, mag-inom sang 8–10 baso sang tubig, kag magsuksok sang preska nga panapton agud maliakwan ang heat-related illnesses.
Samtang, may 79% posibilidad nga makreer ang El Niño halin Hunyo tubtob Agosto, nga mahimo matuga sang mas mala nga kondisyon kag mas magpalala pa sang init tubtob 2027.
