-- ADVERTISEMENT --
Nagtaliwan na ang aktres nga si Jorrybell Agoto sa edad nga 31, suno sa pahibalo sang Film Development Council of the Philippines (FDCP) kahapon, Nobyembre 19.
Sa pahayag sang FDCP, padayon nga dumdumon ang mga nahimo kag kontribusyon sang aktres sa industriya sang pelikula, lakip ang iya pag-arte sa pelikulang Filipiñana.
Madumduman nga sang Setyembre, ginpahayag sang iya mga abyan kag pamilya nga ginpaidalom siya sa pag-atipan sa Critical Care Unit bangod sa lymphoma.
Nagpangayo man sang bulig pinansyal ang iya pamilya bangod sa daku nga galastuhon sa ospital.
Tubtob sa subong, wala pa nagpagwa ang pamilya sang detalye nahanungod sa iya lubong.













