KORONADAL CITY – Isa ang ginbawian sang kabuhi samtang nagalab-ot naman sa apat ka mga banwa sa North Cotabato ang gindalasa sang malapnagon nga tubig baha.
Ini ang ginkompirmar ni Engr. Arnulfo Villaruz, chief of operations sang PDRRMO North Cotabato sa interbyu sang Bombo Radyo Koronadal.
Suno kay Villaruz, yara 14 ka mga barangay ang yara sa kilid sang sapa halin sa mga banwa sa Pigcawayan, Alamada, Matalam kag Kabacan ang gin nilunupan sang tubig-baha.
Nagalab-ot naman sa ekta-ektarya ka mga kahumayan ang naguba sang tubig baha yara naman sa 10 ka mga gina atipan nga sapat nga baka kag kalabaw ang gin anod sang tubig baha.
Nakapagkit naman sang mga landslide ang pila ka barangay sa Alamada apang wala naman nga na report nga natabunan sa pagkatiphang sang duta.
Samtang, hinali naman nga gin lubong ang isa ka security guard nga nasapwan patay sa Libungan river makaligad nga gin anod sang tubig-baha ang guard house sang mgaini nga yara sa dam sa parte sang Barangay Pigcawaran, Alamada.
Sa subong, nagapadayon pa ang damage assessment sa gintuga sang kalamidad sa mga banwa sa North Cotabato.
