KORONADAL CITY- Nag-utas sang isa ka kabuhi kag nagbilin sang 2 ka pilason ang iligal nga pagbanlas sa banwa sang Tampakan, South Cotabato makaligad magtiphag ang iligal nga minahan sa nasambit nga lugar.
Sa interbyu sang Bombo Radyo Koronadal kay Police Senior Supt. Franklin Alvero, provincial director sang South Cotabato, nagtiphag ang minahan makaligad ang wala untat nga iligal nga pagbanlas didto.
Ginkilala ang napatay kay Diguy Pule sang Brgy. Tablu Tampakan South Cotabato kg pilason ang 2 ka kaupdanan sini nga sanday Alvin Goc 43 anyos kg Peter Goc, 16 anyos.
Nahibaluan nga una na nga ginpanginwala sang mga naka survive nga nagapatigayon sila sang iligal nga pagmina bangud sa kahadlok nga mapasabat sa layi kun sa diin hugot nga ginadumilian ang iligal nga pagmina sa probinsya sang South Cotabato.
