KORONADAL CITY-Patay ang isa ka persona makaligad nga gin-luthang sang iya kaugalingon nga bayaw sa bahin sa Purok Upper Magsaysay, Barangay San Miguel, Norala ,South Cotabato takna alas 6 kagina sang aga.
Ginkilala ang biktima nga si Danilo Olmos, 59 anyos ,may asawa kag isa ka mangunguma, samtang ang suspek naman ang ginkilala nga si Mauricio Lavapiez,59 anyos kag lunsay mga residente sang nasambit nga lugar.
Suno kay Manong Robert, isa sa mga nakakita sang insidente, nakita nya nga naga baisanay ang suspek kag ang biktima nga magbayaw sa uma sang biktima.
Hinali nalang lamang suno pa nga ginluthang sang suspek ang biktima sang makaisa ka bes usar ang 12 guage home-made shotgun, gindangat pa sa pinakamalapit nga balaybululngan ang biktima apang patay na ini. Madasig naman nga nagpalagyo ang suspek sa wala pa mahibaluan nga direksyon dala ang armas luthang nga iya gin usar sa krimen.
Suno naman sa panaysayon sang asawa mismo sang biktima nga si nanay Merlita Olmos, dati na nga may biklanay ang iya nga bana kag ang iya nga utod angot sa lupa kag nagbaisanay ang mga ini kahapon angot sa pagpatubig sa ila nga basakan antes pa nagluntad ang pagpanglutahang.
