KORONADAL CITY- Nagtumbo sa kalipay ang isa sa mga area prize winners sang P100,000 sa 1..2 panalo promo sang Star FM kag Bombo Radyo Part 17 nga naghalin sa banwa sang Polomolok, South Cotabato.
Sa interbyu sang Bombo Radyo Koronadal kay Sweeth Faith Daguplo, 41 anyos, residente sang Cannery Site sa nasambit nga banwa, may POP nga Silver Swan kag nagdaog sang P100,000 sa ginpatigayon nga grand draw sang 1…2 panalo promo sang Star FM kag Bombo Radyo Part 17, bug-os nga pamilya ang nagtutok sa nasambit nga draw agud nga bantayan ang paglawag sang iya nga pangalan sa radyo.
Sang mabatian suno pa sini nga sya ang nagmadinalag-on, halos wala sang pagsudlan ang iya nga kalipay bangud sa dako nga premyo nga nadag-an.
Tubtob sa karon, wala sa gihapon nagasink-in sa iya nga huna-huna nga isa ini sa mga maswerte nga nagdaog halin sa tuman ka damo nga entries nationwide.
Samtang, bago paman ini nagdaog, gin-isip na ini nga pagataguon ang kwarta para sa pag-eskwela sang iya 4 ka kabataan.
Nahibaluan nga si Sweet Faith kag ang bana sini ang lunsay nagatrabaho bilang factory workers sa banwa sang Polomolok, South Cotabato.
