LAKE SEBU, SOUTH COTABATO – Patay ang isa ka lalaki nga madugay na nga ginapangita sang mga otoridad matapos nga malabo sang gin-atake sini nga BPAT sa banwa sang Lake Sebu, South Cotabato.
Ginkilala ang napatay nga si Eric Salaway, yara sa legal nga edad kag residente sang Barangay Lamfugon, Lake Sebu, South Cotabato.
Sa interbyu sang Bombo Radyo Koronadal kay Police Major Johnny Rick Medel, hepe sang Lake Sebu PNP, naguwa sa ila imbestigasyon nga samtang nagapanglakaton ang BPAT nga si Paolo Saligan, 23 anyos kag residente sang Barangay Tasiman sa nasambit nga banwa sang gin-atake sang suspek nga si Salaway.
May dala nga armas luthang kag binangon ang suspek apang maswerte nga nakalikaw ang biktima nga si Saligan kag naagaw ang binangon rason nga nagbalos ini kun diin tigayon niya nga napatay ang suspetsado.
Nahibaluan nga nagapangatubang sang mga kaso nga consumated murder, frustrated murder, illegal possesion of fire arms kag paglapas sa RA 9165 si Salaway kun diin ikaapat na kuntani nga biktima si Saligan.
