-- ADVERTISEMENT --
Ginbuyagyag ni Vice President Sara Duterte nga ginsugdan na sang Partido Demokratiko Pilipino (PDP) nga gin imbetar siya para magdalagan sa 2028 national kag local elections. Apang ginsiling sang Bise Presidente nga nagapabilin ini nga indi interesado sa nasambit nga pag imbeta.Dugang pa niya nga halos kada semana ginaimbitar siya nga kon mahimo magbuylog na siya sa ila partido. Nagapasalamat na lamang ini nga wala na nagbuylog pa sa iban nga mga partido matapos nga naghalin sa Lakas party para indi na niya kinahanglan magpakuno-kuno sa iban nga mga tawo. Paathag man sang Bise Presidente nga nagapabilin nga regional party sa Davao ang iya gintukod nga Hugpong ng Pagbabago (HNP).
