KORONADAL CITY – Madamo nga anggulo ang ginalantaw sang Surallah PNP sa pagluthang-patay kay outgoing Upper Sepaka kapitan Pudi Ambalgan.
Apang nagpamalibad anay ang mga ini nga magpaguwa sang anuman nga impormasyon.
Sa interbyu sang Bombo Radyo Koronadal kay PCI Jardi Mont Sibal, hepe sang Surallah PNP, ginpasiguro sini nga isolated case lamang ang pagluthang-patay kay kapitan Ambalgan.
Ginlubong naman ang biktima sa Sitio Modon, Brgy. Upper Sepaka, Surallah, South Cotabato base sa kultura nga Muslim.
Nagpalab-ot man sang pagpangasubo si Surallah Mayor Antonio Bendita sa mga himata sang biktima kag ginpahayag nga nagapatigayon na sila sang pagsinapol kaangot sa nagluntad nga pagpangluthang.
Base sa mga testigo, duha suno pa ang ginalantaw nga suspek kun sa diin isa ang gunman kag isa naman ang nagamaneho sang motorsiklo.
Ang nasambit nga barangay Kapitan ang nagtambong sa ginapatigayon nga aktibidad sa Farmers festival angot sa selebrasyon sang foundation anniversary sang nasambit nga banwa.
Nahibaluan nga si Ambalgan ang may kaso nga ginapangatubang angot sa illegal nga droga, illegal possesion of firearms kag may kaso man nga administratibo sa Sangguniang Bayan sang Surallah.
