Ginlantaw ang security lapses ang rason sang nagluntad nga insidente sang pagpangluthang sa White House Correspondents’ Dinner.
Ini ang nangin pahayag ni Peter Jabido – Bombo International News Correpondent to USA, sa interview sang Bombo Radyo Koronadal.
Suno kay Jabido, ini ang una nga tion nga nagtambong sa nasambit nga event si US President Donald Trump upod ang iya asawa nga si Melania Trump.
Ginpahayag ni Jabido nga sandig sa mga impormasyon, isa ka manunudlo ang suspek nga halin Torrance California kag ginakabig ka isa ka ekselente sa iya propesyon.
Ginpabutyag man ni Jabido nga sa panahon ni Trump, mas naglala ang tensyon sa pulitika kag mas nagasaka ang political violence kabangdanan sang madamo nga mga residente nga wala nalipay sa pagpanggobyerno ni Trump sa Estados Unidos.
Ginpunto ni Jabido, nga kada tuig, nagasaka ang gina-alokar nga budget para sa seguridad bangud sa kasubong sini nga mga insidente.
Sa karon, yara na sa kustodiya sang mga otooridad ang suspek kag nagapadayon ang imbestigasyon may kaangtanan sa posibilidad sang security lapses kag ang motibo sang krimen.
