Ginpanginwala kag ginbato ni US President Donald Trump ang nagalapta nga balita nga nagaangkon nga wala sang seryoso nga epekto ang ginlunsar nga airstrike sang Estados Unidos sa mga nuclear facilities sang Iran.
Suno sa iya, indi matuod ang report sang US Defense Intelligence Agency (DIA) nga nagasiling nga limitado lang ang damage kag wala naapektuhan ang mga underground nuclear sites.
Ginpahayag pa ni Trump nga ginapalapnag lang ini nga impormasyon agud gub-on ang kredibilidad sang ginhimo nga military action sang Amerika.
Ginpahayag man niya nga base sa lain nga mga impormasyon kag intel, may posibilidad nga naguba ang mga pasilidad, kag ginsaysay man nga una na mismo gin-ako sang Iran nga grabe epekto sang mga pag-atake sang Estado Unidos.
Gindugang ini ni Trump nga matapos ini nagtambong sa NATO summit sa Netherlands, upod ang pila ka mga opisyal sang gobyerno, lakip na si US Defense Secretary Pete Hegseth nga may pareho man nga pagduha-duha sa ginpagwa nga report sang DIA.
