KORONADAL CITY – Natalana na nga magapaumbalik ang mga estudyante kag mga manunudlo sa ila tagsa ka mga buluthuan sa pungsod Macau.
Ini ang ginpakigabhin ni Bombo international correspondent George Bagiohan Jr. isa ka manunudlo sa Macau kag tumandok sang Malaybalay, Bukidnon.
Suno kay Bagiohan nga sa pinaka ulihi nga advisory sang ila nga gobyerno nga kon wala na sang mapagkit nga kaso sa sulod sang katorse kaadlaw sarang na ang pagpanumbalik sang klase .
Ini bangud abri na ang tertiary kag secondary schools apang nagapabilin nga sirado ang primary kag kindergarten schools.
Dugang pa sini nga mangin man sila ang ginpatigayunan man sang swab test kag sarang na nga makabalik sa ila nga tagsa ka obra.
Sa subong, suno pa matawhay na ang sitwasyon sa nasambit nga pungsod bangud sa hugot man nga suporta sang gobyerno sa Macau.
