KORONADAL CITY – Ginkakas sang municipal health office sa banwa sang Tantangan ang mga nagaguwa nga impormasyon nga nakaangkon suno pa sang kaso sang covid-19 sa ila lugar.
Ini ang ginpaathag ni Dr. Renato Ureta, ang municipal health officer sa nasambit nga banwa sa interbyu sang Bombo Radyo Koronadal.
Apang ginpahayag sini nga may isa ka senior citizen ang nagpacheckup kag nagpaidalom sa rapid test kag nagpositibo rason nga gin-refer ini sa Upper Valley Community Hospital apang natalana pa nga ipaidalom sa swab test agud mahibaluan kun positibo gid man ini sa COVID.
Suno kay Ureta, wala man sang travel history ang nasambit nga senior citizen.
Sa pihak sini, padayon man ang hugot nila nga pagbantay sa border agud malikawan ang posible nga pagsulod sang ginasuspetsahan nga mga kaso kag pagkalaton sang mga persona sa nasambit nga balatian.
