KORONADAL CITY – Nagapatigayon na sang tracing ang mga otoridad batok sa mga suspek nga nagpamahog sa kabuhi ni Tampakan Mayor Leonard Escobillo.
Ini makaligad ginbuyagyag sang nasambit nga alkalde sa Bombo Radyo Koronadal nga nakabaton ini sang text kag ginpahog suno pa siya nga patyon.
Suno kay Escobillo, iya man ginpakigbahin sa iya Facebook post ang nasambit nga pamahog agud ipahibalo sa tanan kun sin-o ang tag-iya sang numero.
Nagpakilala suno pa ang sender bilang mga miyembro sang New People’s Army (NPA) nga luyag siya nga idispatsa.
Dugang ni Mayor Escobillo, kapin isa ka semana na ini nga nakabaton sang mga death threats apang indi pa lipod kun ano ang matood nga motibo sang mga ini.
Apesar wala ginapaiway nga posible nga extortion ang nagakatabo, nagapati man si Escobillo nga posible nga pagpamulitika naman ang iban nga anggulo sini.
Ginpasiguro man sini sa iya nasakupan nga magapadayon sa gihapon ang pagserbe niya sa pihak sang mga pamahog sa iya kabuhi.
