KORONADAL CITY- Nagapadayon ang hugot nga monitoring sang South Cotabato Provincial Disaster Risk Reduction Management Council sa syudad sang Koronadal kag mga banwa nga ginasakupan sang South Cotabato makaligad ang napagkit nga malapnagon nga pagbaha bangud sa mabaskog nga pagbubo sang ulan.
Kaangot sini, pinaka apektado ang syudad sang Koronadal kun sa diin pila ka creek ang nag-awas kag ang mga nagapanguna nga dalanun ang ginbaha man.
Wala man nakaluwas ang South Cotabato Provincial Capitol Compound makaligad nga isa ka salakyan ang nastranded kag lapit na lang ginsulod sang tubig samtang madamo naman nga motorista ang nastranded.
Suno kay South Cotabato PDRRM Officer Mila Lorca ang banwa sang Polomolok South Cotabato ang apektado man sang pagbaha kun sa diin may balay nga partially damaged, samtang ang dike sa Brgy. Panay Sto. Niño South Cotabato ang naguba.
Dugang pa sa banwa sang Lake Sebu, naka eksperyensya man sang mabaskog nga pag ulan kag hugot nga gina monitor ang pag angkon sang landslide.
Sa subong nagapatigayon na sang assessment ang PDRRMO kag iban pa nga ahenysa sang gobyerno agud mahibaluan ang kabug-usan nga damyos tuga sang pag ulan.
