KORONADAL CITY – Kasamtangan nga yara sa isolation facility subong ang isa ka locally stranded individual (LSI) sa siyudad sang Koronadal makaligad nagbinutig ini sa lugar nga iya ginhalinan.
Sa interbyu sang Bombo Radyo Koronadal kay Brgy. Carpenter Hill kapitan Benedicto Pastera, ginpahayag sini nga ginhambal sang nasambit nga LSI nga halin siya sa General Santos City apang nahibaloan sa iya mga himata nga halin gali ini sa siyudad sang Davao.
Magluwas pa diri, wala man ini nakig-angot sa Koronadal LGU kag nagbisita pa sa Prk. Mabuhay 2 sa nasambit nga barangay..// Panawagan naman ni Pastera nga magsugid sang matood sa mga otoridad agud malikawan ang paglapta pa sang covid-19 kag malikawan ang isyu sang local transmission sa bug-os nga siyudad.
