KORONADAL CITY- Natumod na sang Cotabato City PNP ang suspek sa likod sang pagpangluthang sa syudad sang Cotabato nga nagresulta sa kamatayon sang anay principal sang Kabuntalan Elementary School nga si Ferdausi Uko kag pagkapilas naman sang misis sini nga si Vivian Uko.
Sa ekslusibo nga interbyu sang Bombo Radyo Koronadal kay PSSupt Rolly Octavio Officer-In-Charge sang Cotabato City Police Office, may yara na sila sang person of interest nga amuh naman ang ginatudlo nga yara sa likod sang pagpangluthang sa mag-ti-ayon.
Samtang sa pihak nga bahin, yara na sa recovery stage ang misis sang napatay nga Principal kun sa diin ginbuyagyag man ni PSSupt. Octavio nga na-itsurahan sang survivor ang suspek kag bangud sini nagapati ang mga otoridad nga mapadasig ang pagresolber sang nasambit nga krimen.
Ginpasiguro naman sang Cotabato City PNP ang kaluwasan ni Gng. Uko samtang nagahulag ang imbestigasyon.
