KORONADAL CITY- Ginpasakaan na sang kaso nga paglapas sa Republic Act 9165 o Comprehensive Dangerous Drugs Act of 2002 ang duha ka persona nga target sang ginpatigayon nga anti-illegal drug operation sang gintingob nga pwersa sang PDEA-ARMM, 90th Infantry Battalion, Philippine Army, 1st Mobile Force Platoon, 2nd Mobile Force Platoon kag Maguindanao PNP sa National Highway sa Brgy. Kurintem, Datu Odin Sinsuat, Maguindanao.
Nahibaluan nga sa operasyon naarestar ang mga High Value Targets nga sanday Mohamidin Ambak Sandigo alias Kalex, 28 anyos isa ka market security kag residente sang Datu Odin Sinsuat, Maguindanao kag isa ka Sammy Ali Panalangin alias Alnor, 26 anyos kag isa ka mekaniko nga residente sang Brgy. Nunangan, Datu Anggal Midtimbang, Maguindanao.
Narekober sa posisyon sang mga ini ang 5 ka dalagkuan nga pakete nga naga unod sang shabu nga may balor nga P1.7 million, buy bust money, cellphone kag motorsiklo kun sa diin ginbutang ang iligal nga droga kag gin-usar sa ila nga transaksyon.
Nakapalagyo naman ang isa pa nila ka mga kaupdanan nga sanday alyas Abo nga padayon pa nga ginalagas sang mga otoridad samtang yara na sa
kustodiya sang PDEA-ARMM sa Maguindanao ang mga naarestar.
