KORONADAL CITY – Nagasaka sa P200K ang reward money nga igahatag sang sin-o man nga maka tudlo sa tatlo sa mga suspek sa pag sunog sa isa ka unit nga YBL sa Bialong, Mlang, North Cotabato nga gin kapatay sang tatlo kag gin kapilas naman sang 6 nga iban pa.
Ini bangud sa naka preparar nga maghatag sang pandugang nga P100K nga reward si North Cotabato Governor Nancy Catamco bilang dugang sa P100K nga igahatag ni Mlang Mayor Russel Abonado.
Sa subong indi pa natumod sang mga otoridad ang tatlo sa mga suspek nga nagsabya sang gasolina kat nag sunog naman sa unit sang YBL nga may body number A-104 nga may temporary plate number 1301-1245660 nga halin naman sa Kidapawan City Padulong sa syudad sang Tacurong, Huwebes sang hapon.
Sa iksklusibo nga interbyu sang Bombo Radyo Koronadal kay Bernardo Bolaño, operations manager sang Yellow Bus Lines Incorporated, hugot nga gina kondenar ang natabo.
Wala naman suno pa sila nabaton nga extortion letter ukon threat bag-o natabo ang insidente.
Sa subong, hangyu nila sa mga otoridad nga ma aristar sa hinali nga mga tion ang tatlo sa mga suspetsado kag mahibaluan kong ano ang ila nga motibo.
Mangin man ang pamilya sang napatay naga panawagan sang hustisya sa wala kaluoy nga nag tuga sang kalakasan.
