KORONADAL CITY- Nagpagwa na sang red flag warning ang fire department sang Northern California agud pwersahanay nga mapabakwit ang mga residente sa mga apektado nga lugar makaligad naglapad na ang mga lugar nga padayon nga ginadalasa sang wildfire.
Sa ekslusibo nga interbyu sang Bombo Radyo Koronadal kay Bombo International Correspondent Peter Jabido nga nagatrabaho bilang isa ka nurse sa Northern California, naka alerto na man ang mga pribado kag pampubliko nga mga ospital sa nasambit nga estado bangud sa posibilidad sang pagdamo sang mga nagmalasakit bangud sa madamo nga aso sa hangin dala sang wildfire halin sa mga apektado nga lugar kasubong sang Malibu, Calabasas, Paradise kag Butte County.
Sa karun yara na sa 3,000 emergency personnel ang nagabinuligay sa pagtapna sang kalayo samtang gina-usaran naman ini sang masobra 20 helicopters kag firefighting air tankers base sa mga opisyal apang isa sa mga dako na problema amuh ang tuman ka baskog nga hangin kag tuman ka init nga paniempo nga nagapalala sang wildfire.
Nahibaluan nga nakadeklarar na sang State of Emergency si California governor-elect Gavin Newsom sang state of emergency sa Los Angeles, Butte kag Ventura county makaligad nga nakapagkit na sang 20 ka persona nga patay.
