Ginpahayag ni Prof. Danilo Arao sang Department of Journalism sang University of the Philippines–Diliman nga dapat mangin patas kag wala nagapabor sa bisan ano nga kampo ang mga senator-judges sa pagpamangkot sa mga testigo sa nagapadayon nga impeachment trial ni Vice President Sara Duterte.
Sa interview sang Bombo Radyo Koronadal kay Arao, iya ginpahayag nga may pila ka senator-judges nga hayag ang pagpamangkot sa mga testigo nga daw nagapakita sang intensyon nga indi ma-impeach ang bise presidente, sa baylo nga magpokus sa pagpangita sang kamatuoran.
Suno kay Arao, dapat mangin neutral ang mga senator-judges kag ang ila mga pamangkot dapat nakasentro sa pagpaathag sang mga isyu kag alegasyon nga ginatalakay sa trial.
Ginpabug-atan man niya nga dapat ini tutukan sang publiko bangud ang impeachment isa ka political exercise kag indi lamang ordinaryo nga legal proceedings.
Gani, ginpanawagan ni Arao ang katawhan nga mangin mabinantayon sa mga pamangkot kag aksyon sang mga senator-judges samtang nagapadayon ang impeachment trial.
