KORONADAL CITY- Yara na sa kustodiya subong sang Kidapawan City PNP ang prime suspect sa pagpatay sa Municipal Agriculturist sang Arakan, North Cotabato.
Sa impormasyon nga ginpalab-ot sang mga otoridad ang suspek amuh si Cesar Mangawan nga most wanted banwa sang Arakan bangud sa pagpatay kay Arakan municipal agriculturist Edgar Arana sang Nobyembre 18, 2017.
Nahibaluan nga makaligad ang krimen nga ginakaulamiran sini, nagpanago ini sa Brgy. Perez sang nasambit nga syudad kun sa diin ginreport ini sang isa ka brgy. official makaligad matukiban nga wanted ini sa layi.
Samtang luwas sa kaso nga pagpatay, may kaso man ini nga robbery with homicide.
Kalakip man sa gin arestar ang asawa sini nga si Rose Mangawan bangud sa partisipasyon sang nasambit nga krimen.
