KORONADAL CITY – Ginpabugal ni Cotabato city police director SSupt. Rolly Octavio nga ikaduha sila sa pinakaluwas nga siyudad sa bug-os nga pungsod.
Base ini sa ginpaguwa nga datos sang Crime Research and Analysis Center sang PNP.
Suno kay Octavio, yara sa una nga pwesto ang siyudad sang Ormoc kun sa diin nakapagkit sila sang 134 ka crime incidents; Cotabato nga may 220 incidents; kag ikatatlo naman ang Puerto Princesa nga may 227 incidents.
Mas ginkalipay pa sa opisyal nga numero uno sila sa Mindanao bilang pinakaluwas nga siyudad.
Samtang sa nasambit nga datos, ang Quezon City ang may pinakamataas nga kaso sang krimen nga yara sa 12,252 sa first quarter sang tuig kag ikaduha ang Manila nga yara sa 7,066 kag ikatatlo ang siyudad sang Cebu nga may yara sang 3,703.
