KORONADAL CITY- Dako ang pagpasalamat sang pamilya sang isa ka pinay OFW sa Riyadh, Saudi Arabia makaligad nga nakapauli na ini subong sa Pilipinas sa bulig sang Bombo Radyo Koronadal kag ni Middle East Correspondent Boyet Forro.
Ginkilala ang pinay DH nga si Sally Agustillo, nga nagbalatian sa nasambit nga pungsod turang bansa dahilbangud sa nagtubo nga bukol suno pa sa matres sini ka ang pagnubo sang iya hemoglobin apang padayon nga ginapa obra sang iya amo.
Una sini, nagpalapit sa waragwagan sang Bombo Radyo Koronadal ang bata sang OFW nga si Dolly Joy agud magpangayo sang bulig bangud sa sitwasyon sang ila iloy sa nasambit nga pungsod.
Ini matapos nga nagakabalaka ang mga ini bnagud kinahanglan suno pa nga gilayon maoperahan ang ila iloy.
Bangud sa pagbuliganay sang Bombo Radyo kag ni Bombo correspondent Boyet Forro agud mabuligan ang OFW,nakig angot man sa mismo nga agency sini kag sa POLO agud mapadasig ang aksyon.
Sa subong yara na ini sa Metro Manila kag natalana nga magpauli sa Mindanao agud makaupod ang pamilya kag maipaidalum sa operasyon nga gastos naman suno pa sang OWWA.
