-- ADVERTISEMENT --
Ginapadasig sa Kamara ang Philippine Bicycle Act ukon House Bill No. 7106 agud mapahagan-hagan ang epekto sang pagsaka sang presyo sang gatong nga dala sang kinagamo sa Middle East.
Tumong sang layi nga maghatag sang tax incentives sa mga kumpanya nga magasuporta sa pag-usar sang bisikleta bilang alternatibo nga transportasyon.
Suno kay Rep. Patrick Michael Vargas, isa ini ka multi-layered nga solusyon sa krisis sa transportasyon kag trapiko, kag magabulig man nga mapakunhod ang pagdepende sa imported nga gatong.
Kabahin sang plano amo ang pagpalapad sang bike lane networks kag pag-awhag sa pribado nga sektor nga magbutang sang bike-friendly facilities kasubong sang shower kag lockers sa mga opisina.
