KORONADAL CITY – Wala pa sang nabaton nga advisory ang Philheath Region 12 angot sa temporaryo nga pagbalik sang Philhealth Accrediation sa 2 ka dalagkuan nga hospital sa South Cotabato.
Ini ang ginkumpirmar ni PhilHealth Region 12 Vice President Dr. Antoinette Ladio sa esklusibo nga interbyu sang Bombo Radyo Koronadal.
Suno kay Ladio, ginahulat pa nila ang kopya sang advisory halin sa central office agud nga makahimo sang tikang angot sa pagbalik sang accrediation sang ahensya sa Dr. Arthuro Pingoy Hospital kag Allah Valley Medical Specialist Center..// Ginapakig-angutan naman suno pa nila ang Philhealth central office kun tigayon na bala nga kakason ang withdrawal sang Accrediation sa 2 ka ospital makaligad ang gina-alegar nga kaso sang fraud..// Nagpanindugan man si Ladio nga tubtob wala sila sang nauyatan nga dokumento, magabilin ang nasambit nga withdrawal kag indi sa gihapon maka-avail ang mga pumuluyo sang Philhealth Benefits kun magpabulong sa nasambit nga hospital..// Sa karon, ginpaklaro man sini nga kun mabaton na nila ang dokumento, gilayon man nila ini nga ipatuman..// Una sini, ginpahayag ni Ricardo Morales, PhilHealth president and chief executive officer nga ginrecall na nila ang withdrawal sang accreditation sa Dr. Arturo P. Pingoy Medical Center (DAPPMC) kag Allah Valley Medical Specialists Center Inc. (AVMSCI)..//
