Yara sa P16 milyones nga pondo ang ginpangayo sang Presidential Communications Office (PCO) agud makigbato batok sa “fake news” kag P252 milyones naman para sa advertising expenses para sa fiscal year 2026.
Suno kay Presidential Communications Office Secretary Dave Gomez, madamo sila sang plano nga importante nga buluhaton agud pakigbatuan ang fake news kag misinformation halin sa digital front hasta sa pakig-angot sa iban nga mga ahensya sang gobyerno agud makakuha sang data parte sa mga fake news sites.
Ginhimo ni Sec. Gomez ang pahayag sa budget briefing sang PCO sa House Committee on Appropriations panel para sa ila nga panukala nga P2.5 bilyon nga budget para sa fiscal year 2026.
Ginpahayag ni Gomez nga padayon nila nga ginatudluan ang publiko parte sa fake news.
Sa budget briefing, gindefend ni Gomez ang panukala sang PCO nga P252 milyones nga advertising expenses para sa 2026, nga nagtaas sang 5,800% gikan sa P4.24 milyones nga advertising budget sa 2025.
Ini, matapos nga ginpamangkot ni House Deputy Minority Leader kag ACT Teachers party-list Representative Antonio Tinio nga nagdaku ang nasambit nga budget.
Suno kay Gomez, ang pagtaas sa advertising budget tungod sa ASEAN summit kun sa diin ang Pilipinas ang magapamuno sa masunod nga tuig.
Ginbukas man sang tiglikom nga kinahanglan nila sang dugang nga pondo para sa bid sang Pilipinas nga mangin non-permanent member sa United Nations (UN) Security Council.
Nagahanyo man si Tinio sang breakdown sang P252 milyones nga advertising expenses para sa 2026 sang PCO.
