Ginpahayag sang Commission on Elections (Comelec) nga may mga 200 ka grupo sang party-list ang nag-aplay para magparehistro sa nagapadulong nga 2025 midterm elections.
Suno kay Comelec Chairman George Erwin Garcia, kon matapos na ang pagpaguwa kag wala sang petisyon nga magpugong sa aplikasyon, qualified na ang party-list group nga makigbahin sa 2025 elections.
Ang mga organisado lang nga grupo nga rehistrado sa Comelec kag nagpasa sang Manifestation of Intent to Participate ang pwede makigbahin sa party-list elections sa sunod nga tuig.
Sa pihak sini, suno sa Comelec, kon may mga nagapamatok sa grupo nga nagahandum magpapili sa 2025 elections, pwede sila maghimo sang petisyon sa Komisyon sa sulod sang napulo ka adlaw pagkatapos sang petsa sang pagpaguwa sangn listahan.
Base sa pinakaulihi nga numero, may 145 ka aplikante ang gin-aprubahan bilang party-list groups nga magapartisipar sa eleksiyon sa Mayo 2025.
