KORONADAL CITY – Gin-insister ni Presidente Rodrigo Duterte kadungan sang iya nga pag-duaw sa Probinsiya sang Sultan kudarat, nga nakahibalo ang iya nga Administrasyon sa ila nga gina-himo nga mga tikang matapos nga nagdeklarar ini sang Martial Law sa bug-os nga Isla sang Mindanao, kun sa diin iya man nga gin-pasiguro sa Publiko nga wala sang dapat nga kabalak-an bangod kontrolado nila ang nasambit nga sitwasyon.
Suno kay Presidente Duterte, gilayon niya nga gin-dekalrar ang Martial Law sa Mindanao, matapos nga ginpalab-ot sa iya sang AFP kag PNP nga yara na sa kritikal nga sitwasyon ang Marawi City, matapos nga gin-sakop sang MAute Terror Group.
Gin-hatagan man sang punto sang Presidente nga mangin siya ang wala nalipay sa pag-dekalrar sang Martial Law sa Mindanao kag wala niya man ini ginapabugal.
Gin-pahayag man ni Pres. Duterte nga padayon sa gihapon ini nga ginapahinumduman sang iya nga Gabinete angot sa Terrorism Threats kag Illegal Drugs.
Nahibaluan nga gin-dauw man sang Presidente ang Camp Franun sa nasambit nga Probinsiya.
Sa subong, ginpasiguro ni Pres. Duterte nga magahatag ini sang ensakto nga Armas sa tanan nga tropa sang Suldado ilabi na sa mga tropa nga kasamtangan nga nagapakig-bato sa Maute Terror Group sa Marawi City.
