KORONADAL CITY -Nagalaum sang maayo nga balita ang pamilya sang mga Maguindanao massacre victims sa maga abot nga Nobyemre 23,2018 kadungan sang ika- 9 nga tuig sang anibersryo sang madugo masaker sa maragtas sang pungsod.
Sa eksklusibong nga interbyu sang Bombo Radyo Koronadal kay Janchiene Maravilla, bata ni Bombo Bart Maravilla,ang anay nga chief of reporter sang Bombo Radyo Koronadal kag isa sa mga biktima sang Maguindanao masaker ginalauman suno pa nila ang may i anunsyar nga conviction sa gapanguna nga suspek sang krimen.
Ginakaptan suno pa sang pamilya Maravilla kag iban pa nga himata sang mga biktima ang naging pahayag ni Pangulong Rodrigo Duterte sang nakaligad lang nga gusto sini nga matuldukan na ang kaso Maguindanao masaker kag may masentensyahan na sa subong nga tuig ilabi na siAndal Ampatuan Jr kag iban pa nag suspek sa krimen.
Pinaagi sini mahatag na ang hustisya sa 58 ka mga biktima nga brutal nga ginpatay kag ginlubong sa grave site sa Sitio Masalay, Brgy. Salman, Ampatuan, Maguindanao kun sa diin yara sa 32 sa mga ini ang katapo sang media.
Tubtob sa karon dismayado sa gihapon ang mga himata sang biktima matapos nga ginpahanugutan sang korte nga magtambong sa kasal sang iya nga bata si anay ARMM Governor Zaldy Ampatuan..
