KORONADAL CITY – Ginaistoryahan sa karon ang isa ka pamilya nga nagbiyahe gikan Mindanao padulong sa Visayas sakay sang tricycle agud nga mapakita lamang ang suporta sa ila bata nga isa ka boxing athlete sa nagapadayon nga Palarong Pambansa 2017.
Ginkilala ang mag-asawa nga sanday Mr kag Mrs Ariel Tapang nga residente sang Kidapawan City.
Gikan sa siyudad sang Kidapawan nagbiyahe ang mag-asawa kaupod ang isa pa nil aka bata nga babaye padulong sa San Jose de Buenavista, Antique sakay sang puti nga tricycle nga nangin temporaryo man nila nga puluy-an.
Suno kay Ginoong Ariel Tapang, wala nila ginaisip ang masobra isa ka libo nga kilometro kag duha ka adlaw nga biyahe makalantaw lamang sang hampang sang ila 14-anyos nga bata nga si Matthew Jade nga magahampang sa boxing.
Nahibaluan nga kalakip si Jade sa Team Pacman sang Digos, Davao Del Sur kag una nga tion ini nga nagpartisipar sa dako nga event ang ila bata rason ng hugot man ang suporta sang iya nga Pamilya.
