Pagsigabong sa isa ka Fireworks facility sa California, nagresulta sa mandatory evacuation

Isa ka mabaskug nga pagsigabong ang nagluntad sa isa ka fireworks facility sa Esparto, Yolo County, California sang Martes.

Makit-an sa uploaded video ang madamo nga aso(smoke) nga naglab-ot sa kahanginan.

May mga fireworks man nga naglupok sa hangin kag nagresulta ini sa daku nga pagsigrab, tunaan sang pag-issue sang lokal nga gobyerno sang mandatory evacuation sa mga residente sa palibot.

Gin-imbestigaran na sang CalFire arson bomb unit ang nangin tunaan sang pagsigabong, kag nagamit na sang mga drone para sa damage assessment.

Sa subong, wala pa sang kumpirmado nga report kun may may naulamid nga mga indibidwal sa nasambit nga insidente.