KORONADAL CITY- Ginsuguran na sang Local Government Unit sang Surallah, South Cotabato ang pag implimentar sang ordinansa nga nagadumili sang pagpanghimbis sang isda sa Surallah Public Market.
Ang nasambit nga ordinansa nga ginpasar sang Sangguniang Bayan ang may tinutuyo nga mapabilin ang kalimyo sang merkado publiko.
Sa interbyu sang Bombo Radyo Koronadal kay Surallah Mayor Antonio Bendita, ang nasambit nga ordinansa man ang suno sa Clean and Green Program nga ginaduso sang Provincial Government sang South Cotabato.
Dugang pa nga may yara man sang nagakaigo nga penalidad sa tion nga may yara sang paglapas sa nasambit nga ordinansa apang ginpahayag ni Mayor Bendita nga welcome suno pa ang pagpatuman sini sa mga fish vendors sa merkado publiko sang Surallah.
